امید ہے مداح جھوٹی تعریف نہیں کرتے ہوں گے، کرینہ

 بالی ووڈ میں بے بو کی عرفیت سے معروف اداکارہ کرینہ کپور نے خود کو سیلفی کوئین قرار دے دیا ہے۔ میڈیا رپورٹس کے مطابق بالی ووڈ اداکارہ کرینہ کپورکا ایک انٹرویو کے دوران کہنا تھا کہ انہیں اپنی سیلفیز لینا بہت پسند ہے، انہوں نے خود کو ایک سیلفی کوئین قرار دیتے ہوئے کہا کہ وہ ہر 5 سے 10 منٹ کے بعد اپنی بے تحاشا تصویریں لیتی رہتی



ہیں۔ 

اداکارہ کا کہنا تھا کہ انہوں نے اپنی زندگی کے لیے کچھ خاص نہیں سوچا لیکن وہ ہمیشہ اپنے دل کی سنتی تھیں، وہ بچپن سے ہی ایک بڑی اداکارہ بننا چاہتی تھیں۔ اداکارہ کا کہنا تھا کہ انہیں امید ہے کہ مداحوں کی جانب سے ان کی جو تعریف کی جاتی ہے وہ جھوٹی نہیں ہوتی جبکہ وہ ایسی اداکارہ ہیں جو کہ جھوٹی تعریف کی مستحق بھی نہیں ہیں۔